Sakshi Sunil Jadhav
सध्या वजन कमी करण्यासाठी वॉटर फास्टिंग हा ट्रेंड खूप चर्चेत आहे. फक्त पाणी पिऊन काही दिवस उपवास केल्यावर पोटाची चरबी झपाट्याने कमी होते, असं म्हंटलं जातं. जाणून घ्या सविस्तर.
ठराविक वेळेसाठी फक्त पाणी पिणं आणि कोणतंही काहीच न खाणं, याला वॉटर फास्टिंग म्हणतात.
तुम्ही हा उपवास 24 तासांपासून ते अनेक दिवसांपर्यंत करु शकता.
सुरुवातीला शरीर लिव्हर आणि स्नायूंमध्ये साठवलेल्या ग्लायकोजेनचा वापर करतं.
तुम्हाला यामध्ये सुरुवातीला भूक लागते, चिडचिड होते, डोकेदुखी आणि अशक्तपणा जाणवू शकतो.
शरीर कीटोसिस अवस्थेत जातं आणि ऊर्जा मिळवण्यासाठी फॅट जाळण्यास सुरुवात होते.
वजन कमी होताना दिसतं, पण त्यात पाणी आणि स्नायूंचा मोठा वाटा असतो. पण तुम्हाला चक्कर, थकवा, तोंडाला दुर्गंधी अशा समस्यांना सामोरं जावं लागू शकतं.
वैद्यकीय सल्ल्याशिवाय वॉटर फास्टिंग करणे धोकादायक ठरू शकते आणि आरोग्यावर गंभीर परिणाम होऊ शकतात.