Sakshi Sunil Jadhav
अंघोळीला जाण्यापूर्वी एग्झॉस्ट फॅन सुरू केल्याने तयार होणारी वाफ लगेच बाहेर जाते. त्यामुळे भिंती आणि आरशांवर पाण्याचे थेंब साचत नाहीत.
बरेचजण बाथरूममधून बाहेर पडतानाच फॅन बंद करतात. पण त्यामुळे ओलावा आतच राहून फंगस वाढण्याचा धोकाही वाढतो.
अंघोळीनंतर एग्झॉस्ट फॅन 15 ते 30 मिनिटं चालू ठेवणं आवश्यक आहे. आतमध्ये खिडकी नसल्यावर तो 1 तासापर्यंत चालू ठेवा.
घरातली आर्द्रता 30 ते 50 टक्क्यांदरम्यान असायली हवी. एग्झॉस्ट फॅन जास्तीचा ओलावा कमी करून फंगस आणि बुरशी कमी करण्याचं काम करतो.
अंघोळीनंतर दार किंवा खिडकी उघडी ठेवा त्याने ताजी हवा आत येते.त्यामुळे फॅन उरलेली आर्द्रता जास्त वेगाने बाहेर काढतो.
हेअर ड्रायर वापरताना हवेत पुन्हा ओलावा निर्माण होतो. त्यामुळे केस सुकवताना आणि त्यानंतर 10 ते 15 मिनिटं फॅन चालू ठेवा.
एग्झॉस्ट फॅन फक्त वाफच नाही तर टॉयलेटचा घाण वास आणि स्वच्छतेदरम्यान निर्माण होणारे रासायनिक वायूही बाहेर टाकतो.
बाथरूम स्वच्छ करताना ब्लीच किंवा इतर केमिकल वापरत असाल तर फॅन किमान 30 मिनिटं चालू ठेवा. यामुळे हानिकारक वायूंचा परिणाम कमी होतो.
दर 6 महिन्यांनी एग्झॉस्ट फॅनवरची धूळ साफ करा. धूळ साचल्यावर मोटरवर ताण येतो आणि फॅन लवकर खराब होऊ शकतो.
NEXT: Morning Hydration: सकाळी उठताच प्या फक्त 1 ग्लास पाणी; शरीरात होतील हे 5 चांगले बदल