Manasvi Choudhary
लहानांपासून ते मोठ्यांपर्यंत आज प्रत्येकाचे बँकेत अकाउंंट असते. आर्थिक सुरक्षा आणि व्यवहारांसाठी बँक खाते असणे महत्त्वाचे आहे.
परंतु, जर एखाद्या बँक खातेधारकाचा अपघाती किंवा इतर कोणत्याही कारणास्तव मृत्यू झाला, तर त्याच्या खात्यातील पैशांचे काय होते? त्या पैशांवर नेमका कोणाचा अधिकार असतो? हा प्रश्न अनेकांना पडतो.
आरबीआयच्या (RBI) नियमांनुसार, खातेदाराच्या मृत्यूनंतर बँक खात्यातील पैशांची प्रक्रिया कशी पार पडते, हे सविस्तर जाणून घेऊया
बँक खाते उघडताना नॉमिनीचे नाव नोंदवले आहे का ते तपासणे. जर खात्यामध्ये आधीच नॉमिनीची नोंद असेल, तर खातेदाराच्या मृत्यूनंतर खात्यातील सर्व पैशांवर आणि सेव्हिंग्जवर त्या नॉमिनीचा अधिकार असतो.
बँकेच्या नियमांनुसार, नॉमिनीची योग्य ओळख आणि कागदपत्रांची पडताळणी केल्यानंतर बँक खात्यातील सर्व रक्कम नॉमिनीला मिळते. यामुळे ही प्रक्रिया अतिशय जलद आणि सोपी होते.
जर संबंधित व्यक्तीच्या बँक खात्यात कोणत्याही नॉमिनीची नोंद नसेल, तर पैसे मिळवण्यासाठी ल ३ सोप्या स्टेप्स फॉलो करणे महत्वाचे आहे.
मृत व्यक्तीच्या बँकेच्या शाखेला प्रत्यक्ष भेट द्या किंवा त्यांच्या अधिकृत संकेतस्थळाची माहिती घ्या.
बँकेचा क्लेम फॉर्म अचूक माहितीसह भरा.
खातेदाराचा मृत्यूचा दाखला , कायदेशीर वारस प्रमाणपत्र आणि इतर आवश्यक कागदपत्रे बँकेत सबमिट करा.