Akshay Baisane | अक्षय बैसाणे
उपमुख्यमंत्री देवेंद्र फडणवीस यांच्या पत्नी अमृता फडणवीसांवर योगगुरु बाबा रामदेव यांनी कौतुकांचा वर्षाव केला आहे.
अमृता फडणवीस १०० वर्षे म्हाताऱ्या होणार नाहीत, असे बाबा रामदेव यांनी म्हटलं आहे.
आहे. तसेच, अमृता फडणवीस यांचे तरुण राहण्यामागील कारण देखील बाबा रामदेव यांनी सांगितलं आहे.
बाबा रामदेव म्हणाले, "अमृता फडणवीस पुरेसे अन्न खातात. पुढील शंभर वर्ष ते म्हाताऱ्या होणार नाहीत. कारण, त्या नेहमी आनंदी राहतात.
जसा आनंद अमृता फडणवीस यांच्या चेहऱ्यावर आहे, तसाच तुमच्या चेहऱ्यावर पाहायचा आहे," असे बाबा रामदेव यांनी उपस्थितांना सांगितलं.
याच शिबिरात बोलताना बाबा रामदेव यांनी वादग्रस्त वक्तव्य केलं होतं.
महिलांशी संवाद साधताना बाबा रामदेव यांनी म्हटलं, "महिला साडी नेसल्यावर, सलवार कुर्त्यावरही चांगल्या दिसतात. आणि काही नाही घातलं तरी चांगल्या दिसतात," असे विधान बाबा रामदेव यांनी केलं.
ज्यावेळी बाबा रामदेव यांनी हे वादग्रस्त वक्तव्य केलं तेव्हा त्या कार्यक्रमात राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस यादेखील उपस्थित होत्या. पण, त्यांनी याबाबत कोणतीही प्रतिक्रिया दिली नाही.