Sakshi Sunil Jadhav
इडली ही दक्षिण भारतातील प्रसिद्ध डिश असली तरी आता ती सगळीकडे लोकप्रिय झाली आहे. मात्र अनेकदा घरी बनवलेली इडली जाड, घट्ट किंवा कोरडी होते.
तुम्हालाही जर हॉटेलसारखी मऊ, लुसलुशीत इडली बनवायची असेल तर फक्त पिठात तेल घालण्याची योग्य पद्धत माहित असणं आवश्यक आहे.
इडलीसाठी १ भाग उडीद डाळ आणि २ भाग तांदूळ भिजवावा. डाळ ४ तास आणि तांदूळ ६-८ तास भिजल्यास पीठ चांगले फुलतात.
डाळ आणि तांदूळ एकत्र वाटताना थोडं तेल घालल्यास मिश्रण हलकं आणि मऊ राहतं. यामुळे इडली वाफेत छान फुलते.
पीठ रात्रभर कोमट जागी ठेवा. त्यावेळी त्यावर एक-दोन थेंब तेल शिंपडल्यास पीठ कोरडं होत नाही आणि चांगलं फुलतं.
इडली साच्यांना हलकं तेल लावल्याने इडली चिकटत नाही आणि आकार व्यवस्थित राहतो. तसेच बाहेरून एकसारखी मऊपणा मिळतो.
थोडं नारळाचं तेल किंवा तूप इडलीच्या पिठात घातल्याने सुगंध आणि चव दोन्ही वाढते. तसेच इडली अधिक हलकी आणि फुलकी होते.
झाकणावर पाणी ठेवले तर इडलीवर ओलावा साचतो आणि ती चिकट होते. म्हणून झाकण व्यवस्थित पुसूनच ठेवा.
इडलीला १०-१२ मिनिटांपेक्षा जास्त वाफ देऊ नका. जास्त शिजल्यास इडली कोरडी होते आणि मऊपणा जातो.
वाफ बंद केल्यानंतर २ मिनिटे तसेच ठेवा. त्यामुळे इडली स्वतःच्या वाफेने स्थिर होते आणि हाताळायला सोपी होते.