Surabhi Jayashree Jagdish
हिवाळ्यात हाताच्या कोपराचा भाग कोरडा, खरखरीत आणि काळसर दिसू लागतो कारण या भागात तेलकटपणा कमी असतो आणि घर्षण जास्त होते. थंड हवेमुळे त्वचेतील ओलावा झपाट्याने कमी होतो आणि मृत त्वचा जाड थर तयार करते.
योग्य काळजी, मॉइश्चरायझिंग आणि घरच्या सोप्या उपायांनी हा काळेपणा हळूहळू कमी करता येतो. खाली दिलेल्या टिप्स नियमित केल्या तर कोपराचा रंग, मऊपणा आणि टेक्स्चर यात स्पष्ट बदल जाणवू लागतात.
लिंबात नैसर्गिक ब्लीचिंग गुणधर्म असतात जे काळसरपणा कमी करतात. त्यात थोडी साखर मिसळून स्क्रब केल्याने डेड स्किन निघून जाते.
बेसन त्वचा एक्सफोलिएट करतं आणि दुधातील लॅक्टिक अॅसिड उजळपणा वाढवतं. हा पॅक घट्ट थराने कोपरावर लावून १५ मिनिटांनी धुणे फायदेशीर. नियमित वापराने कोपराचा रंग सम होतो.
नारळाचं तेल त्वचेला पोषण देतं आणि त्वचा मऊ करते. कोपरावर रोज ५ मिनिटे मसाज केल्यास कोरडेपणा कमी होतो. काळसरपणा कमी करण्यातही हे तेल मदत करतं.
अॅलोव्हेरा त्वचेला शांत करून हायड्रेशन वाढवतो. रात्री झोपण्यापूर्वी कोपरावर लावून ठेवले तर त्वचा हळूहळू उजळते. हा उपाय संवेदनशील त्वचेसाठीही सुरक्षित आहे.
साखर डेड स्किन काढतं आणि ऑलिव्ह ऑईल त्वचेला पोषण देतं. आठवड्यातून दोनदा स्क्रब केल्यास कोपराचा काळेपणा हटतो. त्वचा अधिक मऊ वाटू लागते.
दुधातील अॅसिड्स आणि हळदीचे अँटीसेप्टिक गुणधर्म त्वचा उजळ आणि स्वच्छ करतात. हा लेप १०–१२ मिनिटांनी धुवून काढा. त्वचा निरोगी दिसण्यास मदत होते.
हिवाळ्यात मॉइश्चरायझर न लावल्यास कोपर अधिक राठ होतात. आंघोळीनंतर लगेच कोपरावर जाड थराने लावा. नियमित वापर त्वचा मऊ ठेवतो आणि काळसरपणाही कमी होतो.