ब्युरो रिपोर्ट, साम टीव्ही, मुंबई
हिंदी मालिकांमधील अनेक गाजलेल्या अभिनेत्रींनी धर्मासाठी अभिनय क्षेत्र सोडल्याचं आपण ऐकलं आहे.
त्यात हिना खान, बरखा मदान, झायरा वसीम, सोफिया वसीम यांसारख्या अभिनेत्रींचा समावेश होतो.
हे कलाकार अभिनय क्षेत्र सोडून थेट भक्तीच्या मार्गावर चालू लागले. भक्तिमार्गाचा प्रसार करू लागले.
लोकप्रिय कलाकार अनघा भोसले हीने 23व्या वर्षी इंडस्ट्रीला रामराम केला आणि आता ती कृष्णभक्त झाली आहे.
अनघाने अनेक हिंदी मालिकांमधून प्रेक्षकांना वेड लावलं. तिने 'अनुपमा' या गाजलेल्या मालिकेतही काम केलं.
ती 'अनुपमा' या मालिकेत नंदिनीच्या भूमिकेत होती.
शुटिंगमुळे भक्तीसाठी वेळ मिळत नसल्याचं तिने सांगितलं. आता ती पूर्णवेळ कृष्णभक्तीत मग्न असते. भक्तीचा मार्ग तुम्हाला शांतीच्या दिशेने घेऊन जाऊ शकतो असं तिचं म्हणणं आहे.