ब्युरो रिपोर्ट, साम टीव्ही, मुंबई
प्रसिद्ध अभिनेत्री प्राजक्ता माळी तिच्या प्राजक्तराज या दागिना ब्रॅण्डमुळे चर्चेत आहे.
सौंदर्याने आणि अभिनयाने लाखोंच्या मनावर राज्य करणारी अभिनेत्री प्राजक्ता तिच्या ज्वेलरी ब्रॅण्डमुळे लोकप्रिय झाली आहे.
वर्षानुवर्षे चालत आलेले पारंपरिक दागिने म्हणजे सारा, बुगडी, शिंदेशाही तोडे, पैलू पाटली, मासोळ्या, बेलपान, बकुळीहार, पुतळीहार, साज, ठुशी, नथ, मोहनमाळ, चंद्रहार यासारखे अनेक दागिने प्राजक्तराज मध्ये उपलब्ध आहेत.
सोन्या, चांदी आणि तांब्याच्या दागिन्यांना शृंखलेची नावं आहेत तुळजा, म्हाळसा आणि सोनसळा.
पारंपरिक मराठमोळ्या दागिन्यांची विक्री तिच्या 'प्राजक्तराज' या ब्रँडच्या वेबसाइटवर केली जाते.
लवकरच काही प्रदर्शनांमध्येही हे अलंकार विक्रीसाठी उपलब्ध होतील, जेणेकरून महाराष्ट्राची संस्कृती कानाकोपऱ्यात पोहोचेल.
तसेच पुरूषांसाठी अलंकार घेऊन येणार असल्याचे प्राजक्ताने सांगितलं आहे.