Sakshi Sunil Jadhav
उन्हाळ्यात किंवा सतत तिखट-तेलकट खाल्ल्यामुळे काहींना पित्त, ॲसिडिटी आणि छातीत जळजळ जाणवते. अशावेळी घरच्या घरी सहज उपलब्ध होणारा दहीभात हा उत्तम पर्याय ठरू शकतो. आयुर्वेदातही दहीभाताला पचनासाठी फायदेशीर मानले जातं.
दहीभात शरीराला थंडावा देतो. त्यामुळे वाढलेले पित्त कमी होण्यास मदत होते.
दहीमध्ये नैसर्गिक प्रोबायोटिक्स असतात. हे आतड्यांचे आरोग्य सुधारून अन्न नीट पचवण्यास मदत करतात.
छातीत होणारी जळजळ किंवा आम्लपित्ताचा त्रास कमी करण्यासाठी दहीभात खाऊ शकता.
दहीभात पोटासाठी हलका असतो. त्यामुळे आजारी किंवा अशक्तपणा जाणवत असताना सुद्धा खाता येतो.
तूप आणि जिऱ्याची हलकी फोडणी दिल्याने दहीभात पचायला सोपा होतो. त्यामुळे सर्दी-खोकल्याचा त्रास कमी होतो.
सकाळच्या नाश्त्यात किंवा दुपारच्या जेवणानंतर दहीभात खाणं जास्त फायद्याचं ठरु शकतं.
आयुर्वेदानुसार रात्री आंबट पदार्थ खाणं टाळलं पाहिजे. त्यामुळे दहीभात रात्री न खाणेच फायद्याचे ठरेल.
दक्षिण भारतात जेवणाच्या शेवटी दहीभात देण्याची परंपरा आहे. चव आणि आरोग्य यांचा सुंदर संगम म्हणून तो आजही लोकप्रिय आहे.
प्रकृतीनुसार आहार बदलतो, त्यामुळे सतत त्रास होत असल्यास तज्ज्ञांचा सल्ला घ्यावा.