Shreya Maskar
जगात अशी अनेक ठिकाणे आहेत, जी एखाद्या परीकथेतील गावासारखी, दुसऱ्या ग्रहावरील प्रदेशासारखी किंवा निसर्गाच्या चमत्कारासारखी दिसतात. त्यांचीच आज माहिती करून घेऊयात.
नेदरलँड्स मधील गीथूर्न हे ठिकाण कालव्यांचे सुंदर गाव म्हणून प्रसिद्ध आहे. रस्त्यांऐवजी कालवे, लहान बोटी आणि गवताच्या छपरांची घरे यांमुळे हे गाव एखाद्या परीकथेतील ठिकाणासारखे दिसते.
बोलिव्हिया येथे सलार दे उयुनी हे ठिकाण आहे. जगातील सर्वांत मोठ्या मिठाच्या मैदानावर पावसानंतर पाण्याचा पातळ थर तयार झाला की आकाशाचे प्रतिबिंब दिसते. त्यामुळे संपूर्ण परिसर आरशासारखा भासतो.
ऑस्ट्रेलियातील लेक हिलियर गुलाबी रंगाचा तलाव म्हणून प्रसिद्ध आहे. समुद्राच्या निळ्या पाण्याच्या आणि हिरव्या वनस्पतींच्या पार्श्वभूमीवर दिसणारा गुलाबी तलाव या ठिकाणाला वेगळे रूप देतो.
येमेन येथे सोकोत्रा बेट आहे. छत्रीसारख्या आकाराची ड्रॅगन्स ब्लड ट्रीज आणि वैशिष्ट्यपूर्ण वनस्पती यामुळे हे बेट जगातील सर्वांत वेगळ्या नैसर्गिक ठिकाणांपैकी एक आहे.
न्यूझीलंड येथे वेटोमो ग्लोवॉर्म केव्हज हे ठिकाण आहे. गुहेच्या छतावर चमकणाऱ्या काजव्यांसारख्या जीवांमुळे अंधारात निळ्या प्रकाशाचे अप्रतिम दृश्य दिसते.
अमेरिका येथे अँटिलोप कॅन्यन हे ठिकाण आहे. येथे दगडांमधील रंगांची जादू पाहता येते. वाऱ्याने आणि पाण्याने आकार दिलेल्या वळणदार वाळूच्या दगडांवर सूर्यकिरणे पडल्यावर नारिंगी व सोनेरी छटा खुलतात.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.