Manasvi Choudhary
अन्नपदार्थ, भाज्या आणि फळे ताजी राहावीत यासाठी फ्रिजचा वापर केला जातो. परंतु तुम्हाला माहितीये का? फळे, भाज्या योग्य रित्या फ्रिजमध्ये न ठेवल्यास खराब होऊ शकतात.
फ्रिजमध्ये टोमॅटो ठेवणे टाळावे. फ्रिजमध्ये टोमॅटो ठेवल्याने त्याचा पोत खराब होतो. टोमॅटो मऊ पडतात आणि त्याची चव बिघडते.
बटाटे फ्रिजमध्ये ठेवल्यास त्यातील स्टार्चचे रूपांतर साखरेत होते, ज्यामुळे बटाट्याची चव बदलते आणि ते लवकर खराब होतात.
फ्रिजमधील थंड आणि ओलाव्यामुळे कांदे लवकर कुजतात आणि त्यांना बुरशी लागते. कांदे नेहमी हवेशीर ठिकाणी साठवून ठेवावे.
केळी फ्रिजमध्ये ठेवल्यास ती काळी पडतात त्यामुळे केळी फ्रिजमध्ये ठेवणे टाळावे.
तुळशीची पाने फ्रिजमधील इतर अन्नाचा वास शोषून घेतात आणि फ्रिजमधील थंड तापमानामुळे काळी व लवकर सुकतात.
ब्रेड फ्रिजमध्ये ठेवणे टाळावे. ब्रेड फ्रिजमध्ये ठेवल्यास कडक व कोरडा पडतो.
मध फ्रिजमध्ये ठेवल्यास कडक होतो. शुद्ध मध नैसर्गिकरीत्या हवाबंद बरणीत खोलीच्या तापमानावर दीर्घकाळ टिकतो.