Sakshi Sunil Jadhav
हॉर्ट अटॅक कोणालाही, कुठेही येऊ शकतो. ह्रदयाकडे जाणारा रक्तपुरवठा अचानक थांबला की ह्रदयाच्या स्नायूंचं नुकसना होतं.
तुम्ही हार्ट अटॅकवर वेळेच उपचार केले नाहीत तर तुमच्या ह्रदयाचं कायमचं नुकसान होऊ शकतं किंवा जीव सुद्धा जाऊ शकतो. त्यामुळे सकाळी उठल्यानंतर दिसणाऱ्या काही सुरुवातीच्या लक्षणांकडे दुर्लक्ष करू नका.
सकाळी उठल्यानंतर छातीत जडपणा, दाब किंवा आवळल्यासारखं वाटत असेल तर ते हार्ट अॅटॅकचे लक्षण असू शकते. वेदना हात, मान, जबडा किंवा पाठीपर्यंत पसरत असतील तर लगेचच डॉक्टरांचा सल्ला घ्या.
रात्रभर झोपूनही सकाळी खूप थकवा किंवा अशक्तपणा जाणवत असेल तर ती सामान्य समस्या नाही. महिलांमध्ये हे हार्ट अॅटॅकचे सुरुवातीचे लक्षण मानले जाते.
कोणतेही जड काम न करता धापा लागणे किंवा गुदमरल्यासारखे वाटणे हे धोक्याचे लक्षण आहे. हा त्रास छातीत वेदना किंवा घामासोबत होत असेल तर तातडीने रुग्णालयात जा.
सकाळी उठताच कोणतेही कारण नसताना अंगावर थंड घाम येत असेल तर ते शरीराचा धोक्याचा इशारा असू शकतो. हा घाम छातीत दुखणे किंवा मळमळ यासोबत असेल तर उशीर करू नका.
अचानक चक्कर येणे किंवा उभे राहताना तोल जाणे ही सुद्धा हार्ट अॅटॅकची लक्षणे असू शकतात. अशावेळी इतर लक्षणेही दिसत असल्यास लगेचच वैद्यकीय मदत घ्या.
रिकाम्या पोटी मळमळ होणे नेहमीच पचनाशी संबंधित असेल असं नाही. सतत मळमळ होत असल्यामुळे आणि त्यासोबत छातीत त्रास जाणवत असेल तर डॉक्टरांचा सल्ला घ्या.
हा लेख केवळ सामान्य माहितीच्या उद्देशाने आहे. यातील माहिती वैद्यकीय सल्ल्याचा पर्याय नाही. हार्ट अॅटॅकची शंका आल्यास त्वरित जवळच्या रुग्णालयात जाऊन तज्ज्ञ डॉक्टरांचा सल्ला घ्या.