Dhanshri Shintre
सध्या दिवसा आणि रात्री थंडी आणि दुपारी मात्र उन्हाचे चटके बसत आहेत.
उन्हाळ्यातील उष्णतेपासून सुटका मिळवण्यासाठी अनेक जण लिंबूपाण्याचा आनंद घेतात. त्याचा थंडावा आणि ताजेतवानेपणा उन्हाळ्यातील हवामानासाठी उत्तम पर्याय ठरतो.
लिंबूपाणी शरीरातील पाण्याची कमतरता भरून काढते आणि घरी ते सहजपणे तयार करून उन्हाळ्यात ताजेतवाने वाटते.
तुम्हाला साधे लिंबू पाणी पिऊन कंटाळा आला असेल तर आम्ही लिंबूपाणी बनवण्याच्या तीन नव्या आणि स्वादिष्ट पद्धती सुचवल्या आहेत.
यामुळे तुम्हाला अनोखी चव मिळेल आणि उन्हाळ्याच्या उष्णतेपासून ताजेतवाने होण्याचा अनुभवही घेता येईल. चला जाणून घेऊया.
उन्हाळ्यात पुदिना लिंबूपाणी बनवण्यासाठी १/४ कप पुदिना, २ चमचे साखर, ५ चमचे लिंबाचा रस मिसळून पेस्ट तयार करा.
एका ग्लास पाण्यात पुदिन्याची पेस्ट मिसळा, लिंबाचा रस घाला, नीट ढवळा, आणि स्वादिष्ट पुदिना लिंबूपाणी तयार करा.
मसाला लिंबू सोडा तयार करण्यासाठी धणे पावडर, काळी मिरी, चाट मसाला, जिरे पावडर, काळं मीठ, साखर, आणि लिंबाचा रस घ्या.
एका ग्लासमध्ये १ कप सोडा पाणी मिसळा, बर्फाचे तुकडे घाला आणि मसाला लिंबू सोडा तयार करून आनंद घ्या.
उन्हाळ्यात वेगळ्या चवीसाठी नारळ लिंबू सरबत बनवा. एका ग्लासात नारळ पाणी घ्या आणि त्यात ४ चमचे पिठीसाखर घाला.
मिश्रणात २ चमचे आल्याचा रस, लिंबाचा रस मिसळा आणि फ्रीजमध्ये ठेवा. २ तासांत थंड नारळ लिंबू सरबत तयार होईल.