Shreya Maskar
अनेकदा ताणामुळे, अतिरिक्त कामामुळे, जंक फूडमुळे अचानक रक्तदाब वाढतो. अशावेळी घाबरून न जाता त्वरित हे तीन सोपे उपाय करा.
हृदयाचे ठोके मंदावण्यासाठी शांत बसा आणि ५ मिनिटे हळू व दीर्घ श्वास घ्या. एका ठिकाणी लक्ष केंद्रित करण्याचा प्रयत्न करा. डोक्यात इतर कोणतेही विचार आणी नका.
शरीरातील पाण्याचे प्रमाण थोडे कमी झाल्यामुळेही कधीकधी रक्तदाबाची पातळी वाढू शकते; त्यामुळे एक ग्लास साधे पाणी हळूहळू प्यायल्याने फायदा होऊ शकतो. पाणी जास्त गरम किंवा जास्त थंड नसावे.
एखाद्या शांत व आरामदायक ठिकाणी बसा आणि घट्ट कपडे किंवा तणाव निर्माण करणाऱ्या गोष्टी दूर करा. काही मिनिटे डोळे बंद करून पडून रहा.
थोडे साधारण थंड पाणी चेहऱ्यावर शिंपडा. तुम्ही डोळ्यांवर थंड पाण्याची पट्टी देखील ठेवू शकता. यामुळे हृदयाची गती कमी होते आणि रक्तदाबाची पातळी कमी होते.
उच्च रक्तदाबाची समस्या उद्भवल्यास बसूनच काही शारीरिक हालचाली करा. उदा. डोळे घट्ट मिटा आणि नंतर सोडा, मुठी आवळा आणि नंतर उघडा. या तंत्रामुळे शरीरातील तणाव कमी होतो आणि तुम्हाला त्वरित आराम वाटतो.
रक्तदाब नियंत्रणात ठेवायचा असेल, तर तुमच्या आहारात मीठ कमी करा आणि जंक फूड, पॅकबंद स्नॅक्स टाळा. तसेच, नियमित शारीरिक व्यायाम करा आणि वेळेवर झोपा.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.