विधानसभा निवडणुकीच्या मतमोजणीला सुरुवात झाली असून सुरुवातीच्या कलांमध्ये महायुती आघाडीवर असल्याचं बघायला मिळत आहे. सध्या महायुती बहुमताच्या पुढे गेलेली दिसत आहे. हे कल सुरूवातीचे असल्याने अद्याप पुढच्या फेऱ्या अजून पार पडायच्या आहे. नेमकं सरकार कोणाचं येणार बहुमत कोणाला मिळणार हे पूर्ण निकाल जाहीर झाल्यानंतरच समजणार आहे. मात्र सध्या तरी सुरुवातीच्या कलात महायुतीचे उमेदवार आघाडीवर असल्याचं बघायला मिळत आहे.

राज्यात विधानसभा निवडणुकीचं धुमशान अंतिम टप्प्यात आलेलं आहे. मतदान प्रक्रिया पूर्ण झाल्यानंतर आज मतमोजणी होत आहे. बऱ्याच विभागात पोस्टल बॅलेटची मतमोजणी पूर्ण झाली असून आता ईव्हीएम मशीनच्या मतांची मोजणी होत आहे. या मोजणीत सुरुवातीच्या कलामध्ये महायुतीच्या बाजूने निकाल लागतांना दिसत असून बहुमताचा आकडा महायुतीने पार केला आहे. हे सुरुवातीचे कल असून अद्याप सर्व फेऱ्या पूर्ण व्हायच्या बाकी आहेत. त्यामुळे नेमकं आज कोण बाजी मारणार हे पाहणं महत्वाचं ठरणार आहे.

Edited By Rakhi Rajput