लाडक्या बहीणींचा आशीर्वाद मतदानाच्या पेटीत मतांच्या रूपात आलेला दिसतो आहे, अशी प्रतिक्रिया शिंदेसेनेचे नेते गुलाबराव पाटील यांनी दिली आहे. निवडणूक निकालाच्या रणधुमाळीत सुरुवातीच्या मतमोजणीच्या आकड्यांमध्ये महायुतीचे सगळे उमेदवार आघाडीवर असल्याचं दिसून आलं आहे. अद्याप पूर्ण मतमोजणी बाकी असली तरी महायुतीने या सुरुवातीच्या मतमोजणीत बहुमताचा आकडा पार केला आहे. त्यावर गुलाबराव पाटील यांनी ही प्रतिक्रिया दिली आहे.

पुढे बोलताना गुलाबराव पाटील म्हणाले की, आम्ही बहुमताचा आकडा पार करू. महायुतीचे सगळे उमेदवार सध्या आघाडीवर आहेत. राज्यातल्या सगळ्या लाडक्या बहीणींनी भावांना दिलेला हा आशीर्वाद मतांच्या रूपाने मत पेटीत आला आहे. आम्ही पावणे दोनशे जागांची अपेक्षा केली होती. मात्र आता आम्ही हा विक्रम देखील मोडू, असा विश्वास त्यांनी यावेळी बोलताना व्यक्त केला आहे.

Edited By Rakhi Rajput