2 दिवसांच्या विश्रांतीनंतर मुंबईत मुसळधार पावसाने सकाळपासून तुफान बॅटिंग सुरु केली आहे. सलग पाऊस सुरु असल्याने अनेक ठिकाणी पाणी देखील साचलं आहे. तसेच कल्याणमधील नेवाळी नाका परिसरात रस्ते जलमय झालेत. रस्त्यांना नद्यांचं स्वरुप आल्याने नागरिकांना मात्र गुडघाभर पाण्यातील मार्ग काढताना त्रास सहन करावा लागत आहे. मुसळधार पावसामुळे अनेक जिल्ह्यांना अलर्ट देखील जारी करण्यात आला आहे. ठाणे, कल्याणमध्ये सकाळपासून मुसळधार पाऊस सुरु आहे. याचा मोठा फटका हा वाहतूकीवर देखील झालाय.