IPL 2025 Rules: आयपीएल गव्हर्निंग कमिटीने आयपीएल २०२५ स्पर्धेच्या पार्श्वभूमीवर बैठकीचे आयोजन केले होते. या बैठकीत काही महत्वाच्या मुद्द्यांवर चर्चा करण्यात आली. तसेच काही नियमांमध्ये मोठे बदल देखील करण्यात आले आहेत. आयपीएलच्या अधिकृत सांकेतिक स्थळावर ८ नियमांचा उल्लेख करण्यात आला आहे. त्यापैकीच एक नियम म्हणजे, आयपीएलमध्ये निवड झाल्यानंतर माघार घेणाऱ्या खेळाडूंवर आता बीसीसीआय ॲक्शन घेणार आहे.
आयपीएल स्पर्धेत काही असे खेळाडू आहेत, जे एकदा बोली लागल्यानंतर काहीतरी कारण देऊन स्पर्धेतून माघार घेतात. मात्र अशा खेळाडूंवर आता बीसीसीआय ॲक्शन घेण्याच्या तयारीत आहे. गेल्या हंगामात लखनऊ सुपर जायंट्स संघाने इंग्लंडचा वेगवान गोलंदाज मार्क वूडला ७.५० कोटी मोजत आपल्या संघात स्थान दिले होते. मात्र त्याने वर्कलोड मॅनेजमेंटचं कारण देत स्पर्धेतून माघार घेण्याचा निर्णय घेतला होता.
या नियमानुसार, एखाद्या खेळाडूने आयपीएलमध्ये नाव नोंदवलं आणि तो सिलेक्ट झाला आणि त्यानंतर तो जर उपलब्ध राहणार नसेल. तर त्याच्यावर कारवाई केली जाईल. त्याला पुढील २ हंगामात खेळता येणार नाही.
आयपीएलच्या गव्हर्निंग कमिटीने आणखी एक मोठा निर्णय घेतला आहे. या नियमानुसार, परदेशी खेळाडूंनी मेगा ऑक्शनमध्ये नाव नोंदणी करणं गरजेचं असणार आहे. ज्या खेळाडूंनी मेगा ऑक्शनमध्ये आपलं नाव नोंदवलं आहे. अशाच खेळाडूंना प्लेअर ऑक्शनमध्ये सहभाग घेता येईल.
जय शहा यांनी आयपीएल खेळाडूंसाठी मोठी घोषणा केली आहे. या स्पर्धेत खेळण्यासाठी खेळाडूंना कोट्यवधी रुपये मिळतात. मात्र आता खेळाडूंच्या रकमेत वाढ होणार आहे. आयपीएलमध्ये आता प्रत्येक सामना खेळण्यासाठी खेळाडूंना मॅच फी दिली जाणार आहे. प्रत्येक सामन्यासाठी खेळाडूंना ७ लाख रुपये मॅच फी म्हणून दिले जाणार आहेत. दरम्यान सर्व सामने खेळणाऱ्या खेळाडूंना १ कोटींहून अधिक रक्कम दिली जाईल.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.