Ab De Villiers On Virat Kohli Birthday:

भारतीय संघाचा फलंदाज विराट कोहली आज आपला ३५ वा वाढदिवस साजरा करतोय. त्याचा हा दिवस खास बनवत अनेक दिग्गज खेळाडूंनी आणि क्रिकेट फॅन्सने त्याला वाढदिवसाच्या शुभेच्छा दिल्या आहेत. दरम्यान दक्षिण आफ्रिकेचा माजी खेळाडू आणि विराटचा सहखेळाडू एबी डिव्हिलियर्सने विराटला मिठी मारत शुभेच्छा दिल्या आहेत.

विराट कोहली आणि एबी डिव्हिलियर्स हे दोघेही खुप चांगले मित्र आहेत. दोघांनी आयपीएल स्पर्धेत रॉयल चॅलेंजर्स बंगळुरु संघाचे प्रतिनिधित्व केले आहे. यादरम्यान दोघांनी मिळून आपल्या संघाला विजय मिळवून देखील मिळवून दिला आहे.

भारत आणि दक्षिण आफ्रिका यांच्यातील सामन्यापूर्वी एबी डिव्हिलियर्सने विराटची भेट घेतली. भेट घेत त्याने विराटला मिठी मारली. या दोघांचा फोटो सध्या सोशल मीडियावर जोरदार व्हायरल होत आहे. (Latest sports updates)

विराटला मोठा रेकॉर्ड मोडण्याची संधी..

वाढदिवसाच्या दिवशी विराटला मोठा रेकॉर्ड मोडण्याची संधी असणार आहे. विराटने आपल्या वनडे कारकिर्दीत आतापर्यंत ४८ शतके झळकावली आहे. तर सचिनच्या नावे वनडे क्रिकेटमध्ये ४९ शतके झळकावण्याची नोंद आहे. या सामन्यात शतक पूर्ण करताच तो सचिनच्या विक्रमाची बरोबरी करणार आहे.

विराटने वर्ल्डकप २०२३ स्पर्धेत दमदार कामगिरी केली आहे. त्याने बांगलादेशविरुद्ध झालेल्या सामन्यात शतक पूर्ण केलं होतं. तर २ वेळेस तो शतक झळकावण्याच्या जवळपास पोहोचला आहे.