शाहरुख खानचा (Shah Rukh Khan ) चित्रपट 'कल हो ना हो' (Kal Ho Naa Ho) फेम अभिनेत्री झनक शुक्ला नुकतीच लग्नबंधनात अडकली आहे. या चित्रपटात झनकने (Jhanak Shukla) बॉलिवूडचा किंग खान म्हणजे शाहरुख खानसोबत काम केले होते. झनकने बॉयफ्रेंड स्वप्नील सूर्यवंशीसोबत लग्नगाठ बांधली. वयाच्या २८ व्या वर्षी झनकने लग्न केले आहे.

झनक शुक्ला अनेक वर्षांपासून स्वप्नील सूर्यवंशीला डेट करत होती. २०२३मध्ये त्यांचा साखरपुडा पार पडला. झनक आणि स्वप्नीलने लग्नासाठी पारंपारिक लूक केला होता. झनकने लाल रंगाची साडी नेसली होती. तर स्वप्नीलने पांढऱ्या रंगाची शेरवानी परिधान केली होती. सध्या या जोडप्यावर कलाकार आणि चाहत्यांकडून शुभेच्छांचा वर्षाव होत आहे.

झनक शुक्ला आणि स्वप्नीलचा लग्नसोहळा नागपूरमध्ये पार पडला. झनक शुक्ला टिव्ही अभिनेत्री सुप्रिया शुक्लाची मुलगी आहे. सुप्रियाने देखील अनेक मोठ्या हिंदी मालिकांमध्ये काम केले आहे. 'कुमकुम भाग्य' ही त्यांची सर्वात गाजलेली मालिका होती. आईप्रमाणेच झनक शुक्लाही अभिनयाची खूप आवड आहे.

झनक शुक्लाचा नवरा कोण?

झनक शुक्ला ही उत्तम अभिनेत्री आहे. तिने 'कल हो ना हो' चित्रपटासोबतच 'करिष्मा का करिष्मा' या 90sच्या शोमध्ये रोबोटची भूमिका साकारली होती.लहान मुलीची भूमिका साकारली आहे. तर 'कल हो ना हो' चित्रपटात भूमिका जिया नावाच्या लहान मुलीच्या भूमिकेत दिसली. झनकने बालवयात अनेक मालिका, चित्रपट यांच्यात काम केले आहे. लहानपणी तिचा क्युट लूकने चाहत्यांना भुरळ घातली होती. झनक शुक्लाचा नवरा स्वप्नील सूर्यवंशी मेकॅनिकल इंजिनिअर आहे.